സ്ത്രീ ഇസ്‌ലാമിൽ

ആമുഖം

സമൂഹത്തിന്റെ അവിഭാജ്യഘടകമാണ് ഇസ്‌ലാമിലെ സ്ത്രീ. ഏറെ പ്രാധാന്യമുള്ള വ്യക്തിത്വം. ഖുര്‍ആനും പ്രവാചകന്‍ മുഹമ്മദ് നബി(സ്വ)യുടെ ചര്യയും സ്ത്രീക്ക് മാനവികമായ ആദരവും വ്യക്തമായ അവകാശങ്ങളും നല്‍കുന്നു. ഇസ്‌ലാം സ്ത്രീയെ അടിമയാക്കിയതല്ല, മറിച്ച് അവളുടെ മാന്യതയും സുരക്ഷയും സ്വാതന്ത്ര്യവും ഉറപ്പാക്കിയ വ്യവസ്ഥയാണ് അവതരിപ്പിച്ചത്. പുരുഷനോടൊപ്പം സമാനമായ ആത്മീയ പദവി സ്ത്രീയ്ക്കും ഇസ്‌ലാം അനുവദിക്കുന്നു. ആരാധന, വിശ്വാസം, നന്മകളിലെ പ്രതിഫലം എന്നിവയില്‍ പുരുഷനും സ്ത്രീയും സമനിലയിലാണ്.
കുടുംബ സംവിധാനത്തില്‍ മാതാവിന് ഇസ്‌ലാം അത്യുന്നത സ്ഥാനമാണ് നല്‍കിയിരിക്കുന്നത്. ഭാര്യയായും മകളായും സ്ത്രീക്ക് വ്യക്തമായ അവകാശങ്ങളും സംരക്ഷണവും നിര്‍ദേശിക്കുന്നു. വിദ്യാഭ്യാസം നേടുന്നത് സ്ത്രീയ്ക്കും പുരുഷനുമെല്ലാം നിര്‍ബന്ധമാണെന്ന് പ്രവാചകന്‍ ഉപദേശിച്ചു. സ്ത്രീക്ക് സ്വത്ത് കൈവശം വയ്ക്കാനും ഇടപാടുകള്‍ നടത്താനും ഇസ്‌ലാം അനുവാദം നല്‍കുന്നു. വിവാഹം, മഹര്‍, പാരമ്പര്യം, സംരക്ഷണം എന്നിവയില്‍ സ്ത്രീയുടെ അവകാശങ്ങള്‍ വ്യക്തമായി നിയമീകരിച്ചിട്ടുണ്ട്.
സമൂഹത്തില്‍ സ്ത്രീയുടെ മാന്യത കാക്കുന്നതിനായി ധാര്‍മിക മാര്‍ഗനിര്‍ദേശങ്ങളും സാമൂഹ്യ ഉത്തരവാദിത്തങ്ങളും ഇസ്‌ലാം നിര്‍ദേശിക്കുന്നു. സ്ത്രീയുടെ ശാരീരികവും മാനസികവുമായ സുരക്ഷയ്ക്ക് ഇസ്‌ലാം വലിയ പ്രാധാന്യം നല്‍കുന്നു. ഇസ്‌ലാമിക ചരിത്രത്തില്‍ പണ്ഡിതരും അധ്യാപകരും വ്യാപാരികളും നേതാക്കളുമായ സ്ത്രീകള്‍ നിലകൊണ്ടിട്ടുണ്ട്. അതിനാല്‍ സ്ത്രീ ഇസ്‌ലാമില്‍ ദുര്‍ബലയല്ല, ആദരിക്കപ്പെടേണ്ട ഉത്തരവാദിത്തമുള്ള വ്യക്തിയാണ്.

സ്ത്രീ ഇസ്‌ലാമിൽ

ഫെമിനിസം

സ്ത്രീ: സ്വത്വം

സ്ത്രീ ഇസ്‌ലാമിൽ

ഫെമിനിസം

സ്ത്രീ: സ്വത്വം

History